У нядзелю 4 жніўня 2024 года ў парафіі святога Уладзіслава адбыўся фэст у гонар святога Ігнацыя, імя якога носіць парафіяльны касцёл.
Свята пачалося са святой Імшы, якую ўзначаліў біскуп Алег Буткевіч. У казанні біскуп Алег адзначыў асобу святога Ігнацыя Лаёлы як невыпадковую ў гісторыі Касцёла, заклікаючы праз яго заступніцтва прасіць аб ласцы вернасці нашаму жыццёваму пакліканню і Касцёлу.
Пасля святой Імшы парафіяне ў невялікай сцэнцы распавялі з гумарам і спевамі аб развіцці сваёй парафіі на працягу мінулага года.
Пачынаючы з восеньскага курса Альфа, у парафіі святога Уладзіслава паўстала нямала ініцыятываў, у тым ліку біблійныя сустрэчы, групкі “12 крокаў да жыцця”, моладзевая група, група “Маці ў малітве”. Да таго ж, пасля велікапосных рэкалекцый у жыццё людзей глыбока ўвайшла ігнацыянская духоўнасць, асабліва практыка штодзённай падзякі ў сем’ях.
Падчас сцэнкі закраналася і тэма мастацтва. Тэрэза Будкевіч распавяла пра сваё падарожжа ў Рым і падзялілася ўражаннямі пра касцёл святога Ігнацыя, які знаходзіцца ў вечным горадзе. Новая карціна з выявай незвычайных роспісаў столі ў тым касцёле сімвалічна яднае віцебскі касцёл святога Ігнацыя з касцёлам у Рыме.
Афіцыйная частка скончылася, і ўсе жадаючыя былі запрошаны на смачны пачастунак, пасля якога гасцей чакаў апошні пункт святочнай праграмы: танцы на свежым паветры.
![1](https://www.jezuity.by/wp-content/uploads/2024/08/1-scaled.jpg)
![photo_2024-08-05_09-39-04](https://www.jezuity.by/wp-content/uploads/2024/08/photo_2024-08-05_09-39-04.jpg)
![IMG_07946](https://www.jezuity.by/wp-content/uploads/2024/08/IMG_07946-scaled.jpg)
![IMG_08109](https://www.jezuity.by/wp-content/uploads/2024/08/IMG_08109-scaled.jpg)
![photo_2024-08-05_09-38-45](https://www.jezuity.by/wp-content/uploads/2024/08/photo_2024-08-05_09-38-45.jpg)
![photo_2024-08-05_09-38-21](https://www.jezuity.by/wp-content/uploads/2024/08/photo_2024-08-05_09-38-21.jpg)
![photo_2024-08-05_09-38-54](https://www.jezuity.by/wp-content/uploads/2024/08/photo_2024-08-05_09-38-54.jpg)
![IMG_07213](https://www.jezuity.by/wp-content/uploads/2024/08/IMG_07213-scaled.jpg)
![photo_2024-08-05_09-39-15](https://www.jezuity.by/wp-content/uploads/2024/08/photo_2024-08-05_09-39-15.jpg)
![IMG_081211](https://www.jezuity.by/wp-content/uploads/2024/08/IMG_081211-scaled.jpg)
![IMG_08081111](https://www.jezuity.by/wp-content/uploads/2024/08/IMG_08081111-scaled.jpg)
![photo_2024-08-05_09-38-31](https://www.jezuity.by/wp-content/uploads/2024/08/photo_2024-08-05_09-38-31.jpg)
![photo_2024-08-05_09-38-37](https://www.jezuity.by/wp-content/uploads/2024/08/photo_2024-08-05_09-38-37.jpg)
![photo_2024-08-05_09-38-58](https://www.jezuity.by/wp-content/uploads/2024/08/photo_2024-08-05_09-38-58.jpg)
![IMG_07977](https://www.jezuity.by/wp-content/uploads/2024/08/IMG_07977-scaled.jpg)